Әл-Фараби атындағы ҚазҰУ-дың шығыстану факультетінің бірінші курс студенттерімен салтанатты кездесу

2025 жылдың 1 қыркүйегінде Әл-Фараби атындағы Қазақ ұлттық университетінің шығыстану факультетінде бірінші курс студенттерімен академиялық сипаттағы кездесу өтті. 2025–2026 оқу жылына факультетке қытайтану, жапонтану, корейтану, арабтану, хинди, урду, ирантану және  түрік бағыты бойынша барлығы 173 студент қабылданды. Салтанатты жиында факультет деканы М. Ш. Эгамбердиев, профессор Набижан Мұхаммедханұлы, профессор Б. Н. Жұбатова және профессор Л.Г. Ерекешева құттықтау сөз сөйлеп, студенттерге ақ тілектерін білдірді. Олардың баяндамаларында шығыстанудың Қазақстан Республикасының ұлттық мүдделерін нығайтудағы стратегиялық маңызы атап өтілді, факультеттің білім беру бағдарламаларының ерекшеліктері көрсетіліп, шығыс тілдерінің мамандарын, дипломаттарды және халықаралық қатынастар саласының сарапшыларын даярлауға бағытталғаны айтылды. Шығыстану факультетінің Шығыс елдерін саяси, мәдени және өркениеттік қырынан терең зерттеуге арналған маңызды академиялық алаң екендігі ерекше аталды. Кездесу мазмұнды әрі жылы сипатта өтті: студенттерге оқу үдерісінің ережелері, академиялық тәртіп талаптары және жатақханадағы өмір сүру мен тәртіп нормалары түсіндірілді. Бұл іс-шара олардың университеттік өмірге ресми қадам басуы ғана емес, сондай-ақ Қазақстан шығыстанушыларының болашақ ғылыми әрі кәсіби қауымдастығын қалыптастырудағы маңызды кезең болды.