ҚазҰУ магистранты республикалық ғылыми байқауда І орынға ие болды

Қазақ ұлттық университетінің магистрі Мөлдір Есенәлиқызы Танашова Қазақстан Республикасы Білім және Ғылым министрлігінің ұйымдастыруымен 2024-2025 оқу жылына арналған республикалық ғылыми-зерттеу конкурсының ІІ кезеңінде «Қазақстанның өнеркәсіптік қалалары атмосферасында зиянды заттардың таралуы: деректерді модельдеу» тақырыбы бойынша жоғары оқу орындары арасында І дәрежелі дипломға ие болды!

Мөлдірдің ғылыми жұмысы қазіргі экологиялық мәселелерді зерттеуде үлкен маңызға ие. Оның зерттеуі өнеркәсіптік қалалардың атмосферасындағы зиянды заттардың таралуын модельдеп, нақты деректер негізінде талдау жүргізеді. Бұл еңбек еліміздің ғылыми қауымдастығында жоғары бағаланып, үлкен құрметке ие болды.

Мөлдірге алдағы уақытта да үлкен табыс, жаңа ғылыми жетістіктер мен шығармашылық шабыт тілейміз!

МКМ кафедрасы