Оригами дәрісіFarabi University

Оригами дәрісі

19 қыркүйек, 2025

2025 жылғы 18 қыркүйекте Әл-Фараби атындағы Қазақ ұлттық университеті, Шығыстану факультетінің жапонтану мамандығының 3-курс студенттері №14 жатақханада ҚазҰУ студенттеріне арналған оригами дәрісін ұйымдастырды. Сабақ барысында қатысушылар дәстүрлі жапон қолөнер туындыларының екеуін, яғни тырнаны және самурай дулығасын бүктеп жасады.

Алғашында кейбір студенттер үшін тапсырмалар күрделі болғанымен, өзара қолдау көрсетіп, бірлесе жұмыс істеудің арқасында әрқайсысы жұмысын сәтті аяқтай алды. Сабақ соңында студенттер әсерлерімен бөлісіп, «Күткеннен қиынырақ болды, бірақ өте қызықты өтті», «Жапон мәдениеті туралы көбірек білгім келеді» деген пікірлерін білдірді.

Аталған іс-шара студенттердің жапон мәдениетімен тереңірек танысуына, сондай-ақ өзара қарым-қатынасты нығайтуына мүмкіндік берді. Алдағы уақытта маусымдық және мерекелік тақырыптарды қамтитын осындай дәрістерді тұрақты түрде өткізу жоспарланып отыр.