Цзянсу педагогикалық университетінің делегациясы Шығыстану факультетіне арнайы сапармен келді

2025 жылдың 30 қыркүйегінде әл-Фараби атындағы Қазақ ұлттық университетінің Шығыстану факультетіне Қытайдың Цзянсу педагогикалық университетінің өкілдері арнайы сапармен келді.

Қонақтарды Конфуций институтының директоры Асылбеков Р.Ө., Шығыстану факультетінің деканы Эгамбердиев М.Ш. және Қытайтану кафедрасының меңгерушісі Оразақынқызы Ф. қарсы алды.

Кездесу барысында тараптар екі жоғары оқу орны арасындағы болашақтағы ынтымақтастық пен серіктестіктің негізгі бағыттарын талқылады. Нәтижесінде, келесі семестрден бастап ҚазҰУ студенттерінің Цзянсу педагогикалық университетіне алмасу бағдарламасымен баруына келісім жасалды.

Сонымен бірге, жазғы демалыс кезінде 30 студенттің жазғы лагерьге қатысуына мүмкіндік беріліп, оқытушыларға біліктілігін арттыру курстарынан өтуге жол ашылды.

Бұл сапар Қазақстан мен Қытайдың білім және ғылым саласындағы байланыстарын нығайтуға бағытталған маңызды қадам болып табылады.