Ұстаздық еткен ғалым – ел қазынасы

Зубайда Шадкам – халықаралық деңгейде мойындалған түркітанушы, филология ғылымдарының кандидаты, доцент. Ол өзінің білім жолын Иранда бастап, Тегеран университетінің әлеуметтану бөлімінде оқыды. Тәуелсіз Қазақстанға оралғаннан кейін, Әл-Фараби атындағы Қазақ ұлттық университетінің Шығыстану факультетінде және Анкара университетінің магистратурасында білімін жетілдірді. 2006 жылы түркі тілдері мамандығы бойынша кандидаттық диссертациясын қорғады. 2011 жылы ҚР БҒМ тарапынан доцент ғылыми атағын алды.

Зубайда Шадкам – парсы, түрік, араб тілдерін жетік меңгерген, орыс тілін жақсы, ағылшын тілін орта деңгейде білетін көптілді ғалым. Шағатай және осман тілдері саласында ғылыми зерттеулер жүргізіп жүрген Қазақстандағы сирек мамандардың бірі. Ол халықаралық жобаларға белсене қатысып, Түркияның жетекші университеттерінде дәріс оқыған.

2017 жылдан бері Әл-Фараби атындағы ҚазҰУ жанындағы «Жазба жәдігер және Рухани мұра» ғылыми-зерттеу орталығының директоры. Ғалым Египет, Түркия және басқа елдердегі сирек қолжазбалар қорын зерттеп, қазақ ғылымының дамуына үлес қосып келеді. Ол – «ҚазҰУ-дың үздік оқытушысы» атағының иегері, Ы. Алтынсарин атындағы мемлекеттік сыйлықтың лауреаты.

Зубайда Шадкам – үш монография мен оқу құралдарының, 60-тан астам ғылыми мақаланың авторы. Оның еңбектері қазақ, түрік, парсы, ағылшын тілдерінде жарияланған.

Қазіргі таңда Зубайда Шадкам Әл-Фараби атындағы Қазақ ұлттық университеті Шығыстану факультетінің Түріктану және Шығыс елдері тарихы кафедрасында профессор-оқытушы, сонымен қатар аталған университет жанындағы «Жазба жәдігер және Рухани мұра» ғылыми-зерттеу орталығының директоры қызметін атқарады.