Жас ғалымдар кеңесінің 1 -курс докторанттарымен кездесуFarabi University

Жас ғалымдар кеңесінің 1 -курс докторанттарымен кездесу

3 қазан, 2025

2025 жылғы 2 қазанда сағат 16:00-де Жас ғалымдар кеңесінің ұйымдастыруымен Шығыстану факультетінің 1-курс PhD докторанттарына арналған «Ғылыми ізденіс уақытын жоспарлау» тақырыбында шолу дәрісі өткізілді. Іс-шараның негізгі мақсаты – докторанттардың ғылыми қызметін тиімді ұйымдастыруға және уақытты ұтымды жоспарлауға бағытталған білім мен дағдыларды қалыптастыру, сондай-ақ докторантура бағдарламасының ерекшеліктері жөнінде жалпы түсінік беру және Жас ғалымдар кеңесінің қызметімен таныстыру болып табылады.

Дәріс барысында Жас ғалымдар кеңесінің мүшелері өздерінің ғылыми тәжірибелерінен алынған деректермен бөлісіп, уақытты басқарудың практикалық әдістері мен әдістемелік ұсыныстарын ұсынды. Сонымен қатар қатысушыларға ғылыми ізденісті жүйелеуге мүмкіндік беретін уақытты тиімді жоспарлау құралдары мен технологиялары таныстырылды.