Қиыр Шығыс кафедрасының студенттері Жапонияда оқыған тәжірибелерін бөлісті

2025 жылдың 3 қазанында Әл-Фараби атындағы ҚазҰУ-дың Шығыстану факультетінде жапонтану бөлімінің студенттері академиялық ұтқырлық аясындағы әсерлерін және тәжірибелерін бөлісті. Жиынға Қиыр Шығыс кафедрасының оқытушылары мен студенттері қатысты.

Кездесу барысында Токио Халықаралық Зерттеулер Университетінде, Цукуба, Васэда, Осака, Сайтама, София және Токио университеттерінде білім алып келген студенттер өздерінің шетелдегі оқу, жаңа ортаға бейімделу, мәдениетпен танысу тәжірибелері жайлы қызықты әңгімелеп берді.

Жиын тек әңгімелеумен шектелмей, еркін сұрақ-жауап форматында өтті. Қатысушылар оқу процесі, тұрмыс-тіршілік, жапондық студенттермен қарым-қатынас сияқты тақырыптарда пікір алмасты.

Бұл кездесудің басты мақсаты - болашақта академиялық ұтқырлық бағдарламасына қатысқысы келетін студенттерге нақты тәжірибе негізінде пайдалы кеңестер беру, сондай-ақ қазақстандық және жапондық жастар арасындағы достық байланыстарды нығайту болды.