Шығыстану факультетінде«Су Бехай және Қытайда қазақ тарихының зерттелуі» тақырыбында республикалық ғылыми-тәжірибелік дөңгелек үстел өткізілмек

ҚАЗАҚСТАН РЕСПУБЛИКАСЫ ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІ

Әл-Фараби атындағы Қазақ ұлттық уинверситеті жанындағы Қазіргі заманғы Қытайды зерттеу орталығы,

Алматы қытайтанушылар қауымдастығы

АҚПАРАТТЫҚ ХАТ

Қазақ тарихын, жалпы көшпенділер тарихын зерттеуде қытай деректері мен тарихнамасының алатын орны айрықша. Өйткені ерте заманнан қазірге дейін үзілмей жазылып келген қытай дерек көздері мен тарихнамасының қолданылу құндылығы жоғары. Қытайда сол деректерді пайдалана отырып 60 жылдан астам уақыт қазақ тарихы мен мәдениетін зерттеп, артына мол еңбек қалдырған қытайлық көрнекті ғалым, профессор Су Бейхай (1915–1999) болып табылады.

Су Бейхайдың туғанына 110 жыл толуына орай, уинверсит жанындағы Қазіргі заманғы Қытайды зерттеу орталығы мен Алматы қытайтанушылар қауымдастығы 2025 жылдың 7 қарашасында «Су Бехай және Қытайда қазақ тарихының зерттелуі» тақырыбында республикалық ғылыми-тәжірибелік дөңгелек үстел өткізеді.

Шараның басты мақсаты – Су Бейхайдың қазақ тарихы мен мәдениетін зерттеген еңбектерін сараптау және Қытайда қазақ тарихының зерттелу үдерісіне талдау жасау арқлы екі ел ғалымдарының ғылыми ынтымақтастық байланыстарының дамуына үлес қосу.

            Дөңгелек үстелде талқылайтын тақырыптар:

- Су Бейхайдың ғылыми шығармашылық өмірі және оның қазақ тарихын зерттеген еңбектері; 

-  Қытайда қазақ тарихының зерттелуі: өткені, бүгіні және болашағы;

- Қытай тіліндегі қазақ тарихына қатысты деректердің ғылыми құндылығы.

Дөгелек үстелге қатысатындар: қытайтанушылар, тарихшылар, мәдениеттанушылар, қытайтану бағытындағы магистранттар мен докторанттар.

Дөңгелек үстелдің жұмыс тілдері: қазақ, орыс, ағылшын, қытай

            Өтетін орны: Алматы қаласы, Қарасай батыр көшесі 95, 457 ауд.

Өтетін уақты: 2025 жыл 7 қараша, сағат 10:00.

Қатысу нысаны: офлайын және онлайн.

Байланыс телефоны: +7 777 497 6688; +7 7751721107

Zoom: ….

Ұйымдастыру комитетінің мекен-жайы: Алматы қ. Қарасай батыр к. 95, 457 ауд.