ТҰРАҚТЫ ДАМУ МҮДДЕСІНДЕГІ СЕРІКТЕСТІК АЯСЫНДА «ХАФИЗ КҮНІ» АТАЛЫП ӨТТІ

Шығыстану факультетінің Таяу Шығыс және Оңтүсік Азия кафедрасы  Алматы қаласындағы Иран Ислам Республикасының Бас консулдығымен бірлесіп, 13 қазанда «Хафиз күні» атты мәдени-әдеби шарасын өткізді. Аталған мерекелік іс-шараға факультет басшылығы, Алматыдағы ИИР Бас консулы Сона Ахмади, Тәжікстан Республикасының Бас консулы м.а. Абдукодир Рахимджони және факультет ұстаздары мен студенттері қатысты.

Бағдарламаға сәйкес, алғашқы құттықтау сөзі шығыстану факультеті деканының орынбасары Қайранбаев Н. беріліп, кейін ИИР және Тәжікстан Республикасының бас консулдары жалғастырды. Қонақтар Хафездің парсы-тәжік әдебиетінде алатын маңызды орнына, ақын шығармаларының өзіндік ерекшеліктері мен кең дүниетанымына баса назар аударды.

Мерекелік іс-шара барысында студенттер Хафиз өлеңдерін мәнерлеп оқып, қазақтың дәстүрлі термесін шырқап, баянда ән салынды. Кейін, қонақтарға «Хафиз өлеңдерімен бал ашу» Ирандағы рәсімдердің бірі таныстырылды. Аталған кештің соңында іс-шараға қатысқан студенттер мен оқытушыларға сыйлықтар табысталып, мерекелік дастарқан жайылды.