“ТДМ бірінші бағыты - кедейлікті жою” тақырыбында дөңгелек үстел

13.10.2025 ж.
Кеден, қаржы және экологиялық құқық кафедрасының аға оқытушысы, PhD доктор Умбетов М.Н. және 1 курс студенттері “ТДМ бірінші бағыты - кедейлікті жою” тақырыбында дөңгелек үстел өткізді.

Тұрақты даму мақсаты №1 — Кедейлікті жою

Бірде-бір адам кедейлікте өмір сүрмеуі керек. Бұл — БҰҰ қабылдаған Тұрақты даму мақсаттарының ең алғашқы және ең маңызды бағыты.

Қазіргі таңда әлемде миллиондаған адам күн сайын өмір сүруге қажетті ең аз қаражатпен күн кешіп отыр. Кедейлік – тек табыстың аздығы емес, сонымен бірге білімге, медициналық қызметке, таза су мен қауіпсіз баспанаға қолжетімділіктің шектеулі болуы.

Қазақстан да кедейлікті азайту бағытында бірқатар бағдарламаларды жүзеге асырып келеді: әлеуметтік қолдау жүйесін жетілдіру, жаңа жұмыс орындарын ашу, кәсіпкерлікті дамыту және ауыл тұрғындарының әл-ауқатын арттыру – осының бәрі кедейлікті жоюға бағытталған нақты қадамдар.

Әрқайсымыз қоғамдағы әділдік пен мүмкіндіктер теңдігі үшін үлес қоса аламыз. Кішкентай жақсылықтар мен қолдау — үлкен өзгерістердің бастауы.