Қытайтану кафедрасында Республика күніне орай «Жаһандану дәуіріндегі ұлттық бірегейлік пен егемендік» тақырыбында дөңгелек үстел өтті

      15 қазан күні сағат 17:00 де әл-Фараби атындағы Қазақ ұлттық университетінің Шығыстану факультетінің Қытайтану кафедрасында Рсепублика күніне орай «Жаһандану дәуіріндегі ұлттық бірегейлік пен егемендік» тақырыбында дөңгелек үстел өтті.
    Іс-шараны PhD. докторы Сапарбаева Нұржан жүргізді. Дөңгелек үстелге 1 және 2 курс докторанттары қатысып, жаһандану жағдайындағы ұлттық бірегейлікті сақтау, тіл мен мәдениет тұтастығын нығайту, сондай-ақ ұлттық құндылықтардың қазіргі қоғамдағы рөлі туралы өз ой-пікірлерін ортаға салды.
Кездесу барысында қатысушылар ұлттық болмысты сақтаудың ғылыми және рухани негіздері жайында пікір алмасты. Сонымен қатар, егемен елдің болашағын айқындайтын мәдени және идеологиялық бағыттардың маңыздылығы талқыланды.
     Іс-шара соңында докторанттар мұндай тақырыптардың жас зерттеушілер үшін өзекті екенін атап өтіп, жаһандану дәуірінде ұлттық бірегейлікті сақтау бағытындағы ғылыми ізденістердің жалғаса беретініне сенім білдірді.