QS рейтингі бойынша оқыту семинары Биология және биотехнология факультетінде өтті

20 қазан 2025 жылы әл-Фараби атындағы ҚазҰУ Биология және биотехнология факультетінде (каб. 216) Университеттің Стратегиялық даму орталығының директоры Гүлзира Василина QS халықаралық рейтингі жүйесі бойынша оқу-семинар өткізді. Іс-шараға факультет басшылығы мен профессор-оқытушылар құрамы қатысты.

Семинар барысында QS бағалау методологиясының негізгі көрсеткіштері түсіндірілді: академиялық бедел, жұмыс берушілер арасындағы бедел, дәйексөздер саны, оқытушы-студент арақатынасы, халықаралық әріптестік және орнықтылық (sustainability) көрсеткіштері. Сондай-ақ деректерді уақтылы және сапалы жинау, факультеттік индикаторлар картасын құру, ғылыми жарияланымдар мен жұмыс берушілермен байланыстарды күшейту бойынша практикалық ұсыныстар берілді.

Факультет ұжымы семинар нәтижесінде келесі әрекет жоспарларын айқындады:

• деректерді жинау және верификациялау бойынша жауапты тұлғаларды бекіту;

• ғылыми басылымдар мен бірлескен жобалар көрсеткіштерін жүйелі мониторингтеу;

• халықаралық серіктестік пен академиялық мобильділікті кеңейту.

Оқиға күні: 20.10.2025
Өткізу орны: Биология және биотехнология факультеті, 216-кабинет

Ботаника және агроэкология кафедрасы