Еліміздің цифрлық дамуына үлес қосамыз

Қазіргі заманда адамзат бұрын-соңды болмаған қарқынмен дамып келеді. Бүгінгі таңда әлем цифрлық дәуірге аяқ басты. Тех­нологиялар күн сайын өзгеріп, қоғам­ның барлық саласы жаңа форматқа көшіп жатыр. Бұл процесс жастардың өмір сал­­тына, кәсіби бағы­ты­на, ойлау жүйесіне түбегейлі ықпал етуде. Осындай сындарлы кезеңде сапалы білім мен заманауи техно­ло­гия­ны қатар меңгеру кез келген жас буын үшін басты қажеттілікке айналды. Әл-Фараби атындағы ҚазҰУ – осы қажеттіліктерге толық жауап бере алатын білім ордасы.

Біздің университет – бо­ла­­шақ­қа бастар жол, цифр­лық қоғамның көшбасшыларын тәр­биелейтін орталық. Универ­си­тет қабырғасында білім алып жүрген біз осы өзге­ріс­тер­дің бел ортасындамыз. Әсіресе біздің мамандығымыз – цифрлық экономика – бүгінгі күннің ғана емес, ертеңгі күн­нің де талабына жауап беретін бағыт. Бұл салада тек эко­но­ми­каны түсіну аздық етеді, со­нымен қатар деректерді өңдеу, алгоритмдік ойлау, цифрлық платформалармен жұмыс іс­теу, заманауи бағдарламалар мен құралдарды игеру – бар­лы­ғы да маңызды дағдыға ай­налды.

ҚазҰУ осы дағдыларды то­лық меңгеруге барлық жағдай жа­сап отыр. Университеттегі оқу процесі толықтай цифрлық жүйеге бейімделген. Сту­дент­тер Platonus, Moodle, элек­трон­дық кітапхана, онлайн курс­тар арқылы оқу мате­риал­дарына оңай қол жеткізе ала­ды. Бұл бізге тек аудиторияда емес, кез келген жерде оқуға мүмкіндік береді. Білім беру үдерісінің икемділігі – заман талабына сай дамудың айқын көрінісі.

Оқу бағдарламалары тек теориямен шектелмейді. Мұн­да студенттер практикалық жобаларға белсене қатысады, стартаптар мен инновациялық идеялар қолдау табады. Уни­вер­ситетімізде Big Data, блок­чейн, финтех, цифрлық кәсіп­кер­лік секілді заманауи пәндер ен­гізілген. Бұл пәндер сту­дент­­терге шынайы нарықтағы процестерді модельдеуге жә­не нақты шешімдер қабылдауға мүм­кіндік береді. Осының ар­қа­сында біз тек «жұмыс із­деу­ші» емес, өз ісін ашуға дайын, ойы сергек, технологиямен үн­десе алатын маман болып қа­лыптасамыз.

Цифрлық экономика – бұл болашақтың экономикасы. Ол Қазақстанды ғана емес, бүкіл әлемді өзгертетін әлеуетке ие. ҚазҰУ осы бағыттағы жаңа буын мамандарын даярлау ісін­­де көш басында. Мұнда ал­ған біліміміз бізді отандық қана емес, халықаралық деңгейде де бәсекеге қабілетті етеді. Алдағы уақытта әрқайсымыз өз стартап жобаларымызды іске асырып, еліміздің цифрлық дамуына нақты үлес қосамыз деп сенеміз.

Қорыта айтқанда, ҚазҰУ – бұл білім мен тәрбиені, ғылым мен технологияны ұштасты­ра­тын іргелі оқу орны. Мұнда оқу біз үшін үлкен мәртебе әрі жа­уап­кершілік. Университе­ті­міз біз­ге тек мамандық емес, өмір­лік бағыт береді. Біз ҚазҰУ-да оқитынымызды мақтан тұта­мыз, өйткені дәл осы уни­вер­ситет – біздің саналы таң­да­уы­­мыз, цифрлық болашаққа бас­­тар сенімді жолымыз.

Дінмұхамет САҒЫНЖАН,

Әлихан ӨТЕМҰРАТ,

Дәулет ҚАЛДЫБАЕВ,

«Цифрлық экономика» мамандығының 1-курс студенттері