Университетте «Құқықтық диктант – 2025» өтті ⚖️

2025 жылғы 30 қазанда Жоғары және жоғары оқу орнынан кейінгі білім комитетінің тапсырмасына сәйкес біздің университетте студент жастардың құқықтық сауаттылығын арттыруға және құқықтық мәдениетті дамытуға бағытталған «Құқықтық диктант – 2025» атты ағартушылық акция өтті.

Іс-шараның басты мақсаты – студенттердің заңға деген құрметін қалыптастыру, құқықтық білімге деген қызығушылығын арттыру, азаматтық қоғам мен құқықтық мемлекеттің құндылықтарын нығайту болып табылады.

Диктантқа журналистика факультетінің студенттері қатысып, жоғары белсенділік пен азаматтық жауапкершілік танытты. Қатысушылар конституциялық, әкімшілік және қылмыстық құқық салаларындағы білімдерін тексеріп, заманауи құқық қолдану тәжірибесінің өзекті мәселелерін талқылады.

Диктантты заң ғылымдарының докторы, доцент Дина Мұратқызы Баймаханова, Мемлекет және құқық теориясы мен тарихы, конституциялық және әкімшілік құқық кафедрасының өкілі жүргізді. Өз сөзінде ол студенттердің құқықтық тәрбиесі – жауапты азаматтық ұстаным мен мемлекеттік институттарға құрметтің маңызды негізі екенін атап өтті.

Іс-шара барысында жастардың құқықтық мемлекетті нығайтудағы рөлі мен қоғамдағы құқықтық сананы арттырудың қажеттілігі мәселелеріне ерекше назар аударылды. Студенттер белсенділік танытып, сұрақтар қойып, құқық саласындағы өзекті тақырыптарды талқылады.

Мұндай іс-шаралар студенттердің құқықтық мәдениетін арттыруға, құқықтық сауаттылығын көтеруге және болашақ мамандардың азаматтық жауапкершілігін қалыптастыруға зор ықпал етеді.

Заң сенен басталады! 💪⚖️
Бұл сөздер акцияның басты ұранына айналып, әр азаматтың жеке жауапкершілігі — әділ әрі мықты мемлекеттің негізі екенін еске салды.

"Мемлекет және құқық теориясы мен тарихы, конституциялық және әкімшілік құқық" кафедрасы