Электроника және астрофизика кафедрасының кеңейтілген мәжілісі өтті

Бүгін Электроника және астрофизика кафедрасының кеңейтілген мәжілісі өтті. Отырыс барысында Сарманбетов Санжар Айтқалиұлының «Сигналдарды ақпараттық-энтропиялық талдаудың аппараттық іске асыруы» тақырыбындағы диссертациясының алдын ала қорғауы өткізілді. Диссертация 6D071900 – Радиотехника, электроника және телекоммуникациялар мамандығы бойынша дайындалған.

Докторант зерттеудің мақсатын, негізгі ғылыми нәтижелерін, теориялық негіздерін және жасалған аппараттық шешімдердің практикалық маңызын жан-жақты таныстырды.
Баяндамадан кейін ашық талқылау өтті. Кафедра мүшелері әдістемелік, техникалық және тәжірибелік мәселелер бойынша бірнеше сұрақ қойып, жұмысқа қатысты ұсыныстар мен ескертпелер айтты.

Талқылау барысында қолданылған әдістердің өзектілігі, эксперименттік нәтижелердің дәлдігі, есептеулердің негізділігі және әзірленген жүйенің болашақтағы қолдану мүмкіндіктері қарастырылды.
Отырыс қорытындысы бойынша диссертация ескертулер енгізілгеннен кейін қорытынды қорғауға жалпы дайын деп бағаланды.