Қытайтану кафедрасында тамырын іздеу әдебиетінің көркемдік ерекшеліктеріне арналған ғылыми семинар өтті

2025 жылдың 17 қарашасында әл-Фараби атындағы Қазақ ұлттық университетінің Шығыстану факультетінде «Тамырын іздеу әдебиетінің көркемдік және тақырыптық ерекшеліктері» атты ғылыми семинар өткізілді. Іс-шараны 8D02305 – «Шетел филологиясы» мамандығы бойынша 2-курс докторанты Сарсембаева Фариза Нұрділдақызы ұйымдастырды.

Семинар қытай әдебиетінің маңызды бағыттарының бірі – «тамырын іздеу әдебиетінің» мазмұны мен көркемдік сипатына арналды. Тақырып қазіргі қытай әдебиетін зерттеуші жастар үшін ерекше маңызға ие. 1980 жылдардағы Қытай әдебиеті жаңа ағымдар мен стильдердің қалыптасуына ықпал етіп, көркемдік ізденістердің кеңеюіне жол ашты. Бұл кезеңдегі шығармалар оқырманды өзіне тартып, әдеби процестің жаңа белестерін айқындады. Бүгінде қытай әдебиеті заманауи мәселелерді көтеру арқылы әлемдік әдеби кеңістікке ықпалын жалғастыруда.

Семинар барысында ұсынылған талдаулар мен пікірлердің теориялық және практикалық маңызы жоғары екені атап өтілді. Іс-шара қатысушылар үшін пікір алмасуға, талқылауға және жаңа идеяларды қалыптастыруға мүмкіндік берген маңызды ғылыми платформа болды.