«Қарттарым – асыл қазынам» атты іс-шара
28 қыркүйек күні студенттер «Мейірім» қарттар үйіне барып, қариялармен жүздесті. Бұл игі шараның басты мақсаты – үлкендерге құрмет көрсетіп, оларға жылулық пен көңіл бөлу болды. Студенттер қарттарға арнап концерттік бағдарлама ұйымдастырып, ән айтып, өлең оқыды, сондай-ақ тәтті сыйлықтар табыстады.
Қариялар студенттердің ықыласына риза болып, өз баталарын берді, өмірлік тәжірибелерімен бөлісті. Кездесу барысында жастар үлкендерді тыңдаудың, сыйлаудың және қамқорлық көрсетудің маңызын терең түсінді.
«Қарттарым – асыл қазынам» атты бұл іс-шара студенттердің бойында адамгершілік, мейірімділік және жауапкершілік қасиеттерін қалыптастыруға үлкен үлес қосты. Қарияларға көрсетілген әрбір жылы сөз бен ізгі ниет – қоғамымыздың рухани байлығының айғағы.
