ТДМ – 4: Инклюзивті студенттік ортаны қалыптастыру: химия және химиялық технологиялар факультетінің студенттерімен кездесу

Университеттің химия және химиялық технологиялар факультетінде инклюзивті және қолдаушы студенттік ортаны қалыптастыру мәселелеріне арналған студенттермен кездесу өтті.

Кездесу барысында білім беру кеңістігіндегі инклюзия ұғымы, әртүрлілікке құрметпен қарау, өзара сыйластық пен барлық студенттер үшін тең мүмкіндіктерді қамтамасыз ету мәселелері талқыланды. Студенттер пікір алмасып, инклюзивті қарым-қатынасқа қатысты өзекті сұрақтарды көтерді.

Талқылаудан кейін студенттермен интерактивті белсенділік өткізілді. Бұл жұмыс эмпатияны дамытуға, жеке ерекшеліктерді түсінуге және инклюзивті мінез-құлық дағдыларын қалыптастыруға бағытталды.

Іс-шара университеттің психологиялық қызметінің психологтары мен инклюзия мәселелері жөніндегі маманның қатысуымен өткізілді және студенттер арасында инклюзивті мәдениетті, өзара құрмет пен психологиялық қауіпсіздікті нығайтуға ықпал етті.