әл-Фараби атындағы ҚазҰУ-дa қазақстандық әдебиетке арналған ғылыми семинар өтті.

2026 жылғы 3 наурызда әл-Фараби атындағы ҚазҰУ филология факультетінің Мәдениетаралық коммуникация және әлем тілдері орталығында ТДМ 4 «Сапалы білім» аясында Халықаралық жазушылар күніне арналған «Қазақстан жазушыларының шығармашылығы ғылыми зерттеулерде» атты ғылыми семинар өтті.

Іс-шараға ғалымдар, оқытушылар, магистранттар мен докторанттар, сондай-ақ жазушылар қауымдастығының өкілдері қатысты.

Құттықтау сөз сөйлегендер: факультет деканы Джолдасбекова Баян Умирбековна, орыс филологиясы және әлем әдебиеті кафедрасының меңгерушісі Демченко Алёна Сергеевна, вице-консул Симакова Марина Сергеевна, Орталық директоры Бегалиева Сауле Баязовна. 

Университет кітапханасының қорынан қазақстандық жазушылардың шығармаларына арналған кітап көрмесі ұйымдастырылып, онда Олжас Сүлейменов, Ілияс Есенберлин, Бақыт Қайырбеков, Аслан Жақсылықов және басқа да авторлардың еңбектері ұсынылды.

Семинар аясында қазіргі қазақстандық проза, мәдениетаралық коммуникация, көркем мәтін поэтикасы және әдебиетті оқыту әдістемесі бойынша зерттеулер таныстырылды.

 Жазушылар мен әдебиет қайраткерлерінің – Ананьева Светлана Викторовна, Жақсылықов Аслан Жамелевич, Лазарева Людмила, Сафронова Людмила Васильевна, Серебрянский Юрий Юрьевич және басқалардың баяндамалары ерекше қызығушылық тудырды.

Семинар орыс филологиясы және әлем әдебиеті кафедрасының PhD докторанттары үшін ғылыми диалог жүргізуге, идеялар алмасуға және қазақстандық әдебиетті зерттеу перспективаларын талқылауға арналған маңызды алаңға айналды.