Токио университетінің студенттері ҚазҰУ-дың Қиыр Шығыс кафедрасындағы қысқы мектеп аясында Nomad Ethnic Centre орталығына барды

    4 наурыз күні академиялық алмасу бағдарламасы бойынша Қазақстанда жүрген Токио университетінің студенттері Алматы қаласындағы Nomad Ethnic Centre этноорталығына барды. Бұл сапар барысында студенттер қазақ халқының дәстүрлі мәдениетімен және көшпелі өмір салтымен танысты.

   Студенттер көшпелі халықтың дәстүрлі баспанасы — киіз үйді көріп, оның құрылымы мен ішкі безендірілуі туралы ақпарат алды. Сонымен қатар олар қазақ халқының тұрмысы, қолөнері және ұлттық дәстүрлері туралы көбірек білді.

    Экскурсия барысында студенттер дәстүрлі тұрмыстық заттарды қызығушылықпен қарап, қазақ мәдениетінің әртүрлі элементтері туралы сұрақтар қойды. Әсіресе олар киіз үйдің ішкі құрылымы мен ұлттық ою-өрнектеріне ерекше назар аударды.

    Бұл сапар студенттерге қазақ халқының мәдениеті мен көшпелі өмір салты туралы тереңірек түсінік алуға мүмкіндік берді. Nomad Ethnic Centre орталығына бару студенттерге қазақ халқының дәстүрлі мәдениеті мен өмір салтын жақынырақ тануға мүмкіндік берді.