Математика кафедрасының оқытушысы, ф-м.ғ. кандидаты Айтжанов Серік Ерсултанович "ЖОО – ның үздік оқытушысы-2020"құрметті атағына ие болды

Байқауға Қазақстанның 73 жоғары оқу орнынан үміткерлер қатысты. Жеңімпаздардың құрметті тізіміне әл-Фараби атындағы ҚазҰУ-дың 18 оқытушысы енді.

Беделді республикалық байқауға ҚР 73 ЖОО-нан барлығы 623 оқытушы қатысты. Үздіктердің ішінен еліміздің 48 университетінен 150 адам үздік деп танылды. Бұл құрметті тізімге әл-Фараби атындағы ҚазҰУ-дың 18 оқытушысы енді.

Оқытушылардың қызметі екі параметр бойынша бағаланды: оқыту сапасы, ғылыми-зерттеу қызметі. Биыл алғаш рет "ЖОО үздік оқытушысы-2020" конкурсына қатысуға өтінімдерді беру, құжаттарды тексеру рәсімі, сондай-ақ апелляция ҚР БҒМ ақпараттық жүйесі арқылы онлайн-режимде өткізілді.

Жеңімпаздар ғылыми-зерттеу жұмыстарын жүргізу және біліктілігін арттыру мақсатында әлемнің жетекші университеттерінде тағылымдамадан өтуге бірегей мүмкіндік алды.

Список победителей ЛП 2020.docx