Білім беру саласындағы жаhандық серіктестік: Қазақстан және Қытай
![](/storage/news/2142987080653c19ca95aa5394584390_1.jpg)
2023 жылдың 20 қазанында әл-Фараби атындағы ҚазҰУ Экономика және бизнес жоғары мектебінің «Экономика» кафедрасы «Қазақстан Республикасындағы тұрақты даму мақсаттары» жобасы аясында «Білім беру саласындағы жаhандық серіктестік: Қазақстан және Қытай» дөңгелек үстел өткізді.
Экономика және бизнес жоғары мектебінің деканы, э.ғ.к., профессор м.а. Бимендиевa Л.А., және Экономика кафедрасының меңгерушісі, э.ғ.к., профессор м.а Даулиевa Г.Р. алғы сөздерінде Әл-Фараби атындағы ҚазҰУ-дың Экономика және бизнес жоғары мектебінің, Экономика кафедрасының негізгі қызметтері мен даму перспективаларына тоқталды.
Дөңгелек үстелде Солтүстік-Батыс ауыл шаруашылығы және орман шаруашылығы университетінің Қазақстан-Қытай ғылыми-зерттеу орталығының директоры, профессор Вэй Фэн (Қытай) «NORTHWEST A&F UNIVERSITY мысалында Қытайдағы білім беру жүйесінің ерекшеліктері» тақырыбына баяндама жасап, қатысушыларға Қытайдағы осы университет туралы бейнеролик көрсетті. Профессор Қазақстан-Қытай зерттеу орталығының қызметі туралы презентация жасады. Бұл кездесу тұрақты дамудың 4-ші және 17-ші мақсаттарына - тұрақты даму мүддесі үшін сапалы білім мен серіктестікке қол жеткізуге ықпал етеді.
Дөңгелек үстелге «Экономика» кафедрасының 1 және 2 курс магистранттары, студенттері және профессорлық-оқытушылық құрамы қатысты. Университеттер арасындағы білім және ғылым саласындағы әріптестік мәселелерін талқылау барысында ынтымақтастық туралы меморандум жасау туралы шешім қабылданып, ынтымақтастықтың негізгі бағыттары белгіленді.
Басқа жаңалықтар
![](/storage/news/2801870279669de8679bc1d452628194_4.jpg)
![](/storage/news/3143404026669a457ef1a67363282100_10.jpeg)
![](/storage/news/33871989506699f775bddfe215293067_(3).jpg)