12.04.2023 ж. тәрбие жұмысының жоспарына сәйкес мемлекет және құқық теориясы мен тарихы, конституциялық және әкімшілік құқық кафедрасының кураторы-эдвайзері Абдықадыр Улан Бегалыұлы 114 тобының студенттерімен Алматы қалалық ботаникалық бағына барды.
Ботаникалық бақ 1932 жылы теңіз деңгейінен 856-906 метр биіктікте 108 гектар жерде (қазір 103,6 га) салынған. Қазіргі уақытта "Қазақстан Республикасының Ерекше қорғалатын табиғи аумақтары" тізіміне енгізілген.
Алматы ботаникалық бағы ғылыми-зерттеу және ғылыми-мәдени мекеме, өсімдіктерді өсірумен және зерттеумен айналысады, ботаникалық білімді насихаттайды. Ботаникалық бақтың негізгі бөлігі шетелден әкелінген өсімдіктерден тұрады. Ботаникалық бақтардың негізгі мақсаты - өсімдіктердің жаңа түрлерін өсіру, оларды жан-жақты зерттеу және енгізу болып табылады.
Коллекциясында өсімдіктердің 7 мыңнан астам түрі, сорттары мен нысандары бар ботаникалық баққа барған кезде студенттер Қазақстан флорасымен және басқа да географиялық ареалдармен, Ботаникалық бақ ғалымдарының Қазақстандағы өсімдіктерді енгізу және бейімдеу, шаруашылық-құнды түрлерді анықтау және өсіру мәселелері бойынша қызметімен танысты.
"Салауатты өмір салты және әл-ауқат" ТДМ №3 шеңберінде өткізілген іс-шараның мақсаты табиғатқа ұқыпты қарауды насихаттау, біздің планетамыздың биоәртүрлілігімен, өсімдік әлемін, оның ішінде құрып кету қаупі төнгендерді қорғауға және сақтауға байланысты ерекше қорғалатын табиғи аумақпен таныстыру болды. Студенттер құнды білім, қызықты ақпарат, әртүрлі географиялық аймақтарға "бару" және жай ғана таза ауамен тыныс алу және табиғатта демалу мүмкіндігіне ие болды.
Басқа жаңалықтар
