ҚазҰУ студенттері «Саябақтар маршы» экологиялық акциясына қатысты.

«Туризм» білім беру бағдарламасы бойынша оқитын 1 курс студенттерінің оқу тәжірибесі басталды. Түрген шатқалынан Көлсай көлдеріне бейімделу және оқу-жаттығу жорығына дайындық кезеңінде студенттер Аюлы және Қайрақ сарқырамаларына, сондай-ақ Ой-Жайлау шатқалына радиалды саяхат жасады. Радиалды саяхаттар кезінде білім беру топтары дәстүрлі түрде «Саябақтар маршы» акциясына қатысып, соқпақтар мен туристік орындарда қоқыстарды жинады. Бұл тәжірибе әсіресе Қазақстанның бірегей табиғатын сақтауға, қоршаған ортаны ұтымды басқару қажеттілігіне және туризмді дамытудың тұрақтылығын қамтамасыз етуге жеке жауапкершілік сезімін ояту үшін пайдалы.