ҚР ПРЕЗИДЕНТІ ЖАНЫНДАҒЫ ҒЫЛЫМ ЖӘНЕ ТЕХНОЛОГИЯ ЖӨНІНДЕГІ ҰЛТТЫҚ КЕҢЕСТІҢ АЛҒАШҚЫ ОТЫРЫСЫ ӨТТІ.

2023 жылғы 12 сәуірде Ақордада Қазақстан Президенті Қасым-Жомарт Тоқаевтың төрағалығымен Президент жанындағы Ғылым және техника жөніндегі Ұлттық кеңестің бірінші отырысы өтті, оған Әл-Фараби атындағы Қазақ ұлттық университеті «Механика» кафедрасының профессоры Қазақстан Республикасы Ұлттық инженерлік академиясының академигі, профессор Айдархан Қалтаев қатысты.

Ұлттық кеңес еліміздің ғылыми-техникалық саясатының алдағы басымдықтарын айқындады. Кеңес құрамына ғылымның басым бағыттарын көрсететін, ғылыми-зерттеу белсенділігі жоғары және халықаралық деңгейде танылған академиктер, ғалымдар кірді. Мемлекет басшысы ғылым қай уақытта да дамудың басты кілті деп есептей отырып, кездесудің маңыздылығын жеткізді.