Студенттерді қабылдау кеші өтті
.jpeg)
Бүгін университетіміздің 90 жылдық мерейтойы қарсаңында 1-курс студенттерді студенттер қатарына қабылдау кеші өте жоғары деңгейде өтті.
Кеш құрметіне «Париж – 2024» Жазғы ойындар Олимпиадасына қатысып, еліміздің көк туын әлем төрінде желбіреткен мақтаныштарымыз суда жүзу бойынша параолимпиада ойындарының КҮМІС жүлдегері Жұмағали Нұрдәулет, дзюдо бойынша ҚОЛА медаль иегері Ғұсман Қырғызбаев және әлемдік аренадағы олимпиадаға қатысушылары Алтухова Арина,, Азамат Дәулетбеков, Константин Малиновский, Ерғали Әлішер студенттерімізбен жүздесіп, өздерінің рухты сөздеоімен жігерлендірді.
Салтанатты кеш университетке оқуға түскен 1-курстың 700 студентінен құралған флешмобымен ашылды. Басқарма Төрағасы – Ректор Жансейіт Қансейітұлы университет қалашығында жүзеге асырылып жатқан ауқымды жобалардың құрылысымен таныстырып, студенттерді жаңа оқу жылының басталуымен құттықтап, жоғары курс студенттерімен бірге 1-курс студенттеріне БІЛІМ КІЛТІН табыстады. Айтулы кеш одан әрі талантты, өнерлі студенттердің арнайы концерттік бағдарламасымен жалғасты. Елдің назарын аудартқан «FARABI 90» деген жазуы бар, алып әуе шары кештің көркін аша түсті. Есте қаларлықтай өткен кештің тағы бір ерекше сәті – студенттер үшін арнайы көк жүзінде отшашудың атылуы болды. Сондай-ақ 1-курс студенттерін оқуға түсуімен құттықтап, еліміздің эстрада жұлдызы Әділет Жауғашар әннен шашу шашты.
Кеш соңы студенттік өмірін осындай ерекше нотамен толықтырған студенттердің әдемі би кешімен жалғасты.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Басқа жаңалықтар
.jpeg)
.jpeg)
