ТДМ-17: Туркі дуниесі жас ақындарының халықаралық поэзия фестивалі аясында университетте ақындармен кездесу өтті

  Оқу ордамызда Түркі дүниесі жас ақындарының халықаралық фестивалі аясында ТДМ-17: «Тұрақты даму үшін серіктестікті» жүзеге асыру үшін түркі халықтарының жас ақындарымен кездесу өтті. Әзірбайжан, Өзбекстан, Түркия, Қырғызстан, Түркіменстан мемлекетінен келген ақындармен кездесуге университеттегі оқытушыларымыз бен білім алушы жастарымыз келді.

  Кездесуді университетіміздегі «Қоғамдық даму және жастар ісі» орталығының директоры, «Алаш» әдеби сыйлығының лауреаты, жазушы Нұрғали Ораз өзі жүргізді. Бұл кездесуге ақын, философ, Қазақстан Жазушылар одағының мүшесі, «Тұлға-достық» қоғамдық қорының директоры Мұратхан Шоқан және Қырғызстан Жазушылар одағының төрағасы, Қырғыз Республикасының Білім және ғылым экс-министрі, Қырғыз Республикасы Жоғарғы Кеңесінің депутаты Қаныбек Иманалиев те келді.

  Кездесуде Қырғызстаннан келген қырғыз халқының ақындары – Дүйсен Кәрімов, Ырысгүл  Изатова, Ажжол Доранбекұлы, Қанатбек Таалайбекұлы; Түркиядан келген белгілі түрік жазушысы, ақын – Мухиттин Гүмүш; Өзбекстаннан келген ақындар – Интикам Яашар, Шухрат Ариф, Мансур Жумаев, Хулкар Шерзодова; Түркіменстаннан келген белгілі ақын – Хошгелдиева Махым залдағы көрермен қауым үшін өз шығармашылықтарынан әсерлі, мағынаға толы өлеңдер оқыды. Олардың өлеңдері туған жер, әке, отан, ғашықтық тақырыбын арқау еткен өлеңдер болды.

  Бұл шараның соңында еліміздегі жас ақындардан Ұлан Ысқақ, Дәурен Тілеухан, Арайлым Мұраталиева, Ерқанат Кеңесбекұлы өздерінің өлеңдерімен көрермендерге ерекше әсер сыйлады.