Белсенді жастар аумақты тазартуға қатысты

2024 жылдың 5 қазанында механико-математикалық факультетінің бірінші курс студенттері, «Есептеу ғылымдары және статистика», «Актуарлық математика» және «Қолданбалы математика» мамандықтары бойынша білім алушылар, кураторларымен бірге сенбілік өткізді. Осы шара аясында олар бекітілген территорияны жаппай тазалауды жүзеге асырды. Іс-шараға 202 адам қатысты, бұл жастардың белсенді азаматтық ұстанымын және қоршаған ортаны жақсартуға деген ниеттерін айқын көрсетеді.

Сенбілік таңертеңгі 9-да басталып, түскі 12-ге дейін жалғасты. Студенттер топтарға бөлініп, университет ішіндегі әртүрлі учаскелерді тазарту бойынша тапсырмалар алды. Әр команда ынтамен жұмыс істеп, қоқыс жинап, жапырақтарды тазалап, жасыл зоналарды тәртіпке келтірді. Қатысушылар осындай шаралардың экологияға ғана емес, сондай-ақ ұжымның бірлігін нығайтуға да пайдалы екенін атап өтті.

Территорияны тазарту Тұрақты даму мақсаттарын (ТДМ) жүзеге асырудағы маңызды қадам болды. Әсіресе, ТДМ 11: «Тұрақты қалалар мен қауымдастықтар» таза және қауіпсіз қалалық кеңістіктерді қалыптастыру қажеттілігіне назар аударады. Студенттердің тазалық шарасына қатысуы өздерінің өмір сүру ортасын жақсартуға, қаланы тұрғындар мен қонақтар үшін тартымды етуге мүмкіндік берді.

Сондай-ақ, мұндай шаралар жауапты тұтыну мен ресурстарға ұқыпты қарауды қолдайды, бұл ТДМ 12: «Жауапты тұтыну және өндіру» мақсатында көрсетілген. Студенттердің сенбілікке қатысуы табиғи ресурстарды пайдалану мен экологияға қамқорлық жасауға жауапты көзқарас қалыптастыруға ықпал етеді, бұл қазіргі жағдайда әсіресе маңызды.

ТДМ 13: «Климаттың өзгеруімен күрес» климатың өзгеруіне қарсы шаралар қажеттілігін де атап өтілді. Қатысушылар климатқа теріс әсерді азайту үшін әрекеттердің қажеттілігін және олардың тазалық шарасына қосқан үлестерінің қоршаған ортаны қорғау мәселелері бойынша хабардарлықты арттыруға көмектесетінін айтты.

Сенбілік аяқталған соң, факультет кураторы: «Біз тек оқып қана қоймай, университет және қала өміріне белсенді қатысатын студенттерімізбен мақтанамыз. Мұндай бастамалар жастардың біздің планетамыздың болашағына жауапкершілікпен қарайтынын көрсетеді» деп атап өтті.

Осылайша, студенттердің тазалық шараларына белсенді қатысуы тек таза орта құруға ғана емес, сонымен қатар тұрақты даму мақсаттарына жетуге де ықпал етеді. Біз жаңа бастамаларды асыға күтеміз және студенттер мен оқытушылардың қоршаған ортаны қорғау саласындағы ынтымақтастығының жалғасуына үміттенеміз!