2024 жылдың 12 қазанында Фараби атындағы Қазақ ұлттық университетінің филология факультеті, «Шетел филологиясы және аударма ісі» кафедрасының 1 курс студенттері «Менің Отаным – Қазақстан» атты тақырыптық іс-шара өткізді. Іс-шара БҰҰ-ның ТДМ 4-мақсаты – «Сапалы білім беру» және 12-мақсаты – «Жауапты тұтыну және өндіру» аясында ұйымдастырылды. Кездесудің мақсаты – Қазақстанның мәдени мұрасы, дәстүрлері мен тарихы туралы білімді тереңдету, сондай-ақ көпшілік алдында сөйлеу және мәдениетаралық қарым-қатынас дағдыларын дамыту болды.
Іс-шара барысында сапалы білім беру және жауапты тұтыну мен өндіру сияқты тұрақты даму мақсаттарына ерекше назар аударылды. Студенттер сапалы білімнің елді дамытудағы маңызын талқылап, көптілділіктің және әлемдік тәжірибені Қазақстанның білім беру жүйесіне интеграциялаудың маңыздылығын атап өтті. Сондай-ақ, жауапты тұтыну мен өндірудің экологияға және Қазақстанның тұрақты болашағына қалай әсер ететіні талқыланды, бұл қатысушылар арасында қызу пікірталас тудырды.
Іс-шара аясында студенттер Қазақстанның тарихы мен мәдениетінің әртүрлі қырларына арналған баяндамалар мен презентациялар ұсынды. Ерекше назар елдің көптілділігі мен ұлттық әртүрлілігіне аударылды, бұл дискуссияның негізгі тақырыбына айналды. Мұндай кездесулер студенттердің патриоттық сезімдерін нығайтып қана қоймай, олардың тілдік және аудармашылық дағдыларын жетілдіруге көмектеседі, бұл олардың кәсіби даярлығының ажырамас бөлігі болып табылады.
«Шетел филологиясы және аударма ісі» кафедрасының аға оқытушысы
Аушенова А.С.
Басқа жаңалықтар
