ТДМ-4: География және табиғатты пайдалану факультетінің студенттері мен куратор-эдвайзерлері Театрға барды.

23-қазан күні География және табиғатты пайдалану факультетінің студенттері  мен куратор-эдвайзерлері 25-қазан «Республика күні» қарсаңына Ғабит Мүсірепов атындағы Қазақ мемлекеттік академиялық балалар мен жасөспірімдер театрында барып, «ЖУСАН ИІСІ » драмалық қойылымын тамашалап, рухани азық алып қайтты.

«Жусан иісі» – халықтың соғыстан кейінгі тұрмысы мен қазақ ауылының, замандастарының тыныс-тіршілігін шынайы сомдаған сахналық қойылым.

Шығармада Аян атты жасөспірім баланың өмірінің белгілі бір кезеңінде болған оқиғаларды бейнелейді. Әкесі соғыста, анасы жоқ, жалғыз әжесі қайтыс болып, соғыстан ағасын күткен кезін, ауыр жан жарасын таратып баяндайды. Яғни, балалар ауылдың сыртына шығып, үлкендерді соғыстан күтіп телміріп отырғанда, жақындарынан ешкім оралмай, мұрындарына тек Жусан шөбінің желмен келген ИІСІ сезілген……

Қойылым барысында театр актерлері керемет өнер көрсетіп, студенттердің рухани-адамгершілік мәдениеті деңгейін арттырып және өмірдің шындығына шынайы көзқарастарын қалыптастыруға бағыт-бағдар беріп, студенттерге үлкен әсер қалдырды.

Іс-шараға жауапты География және табиғатты пайдалану факультетінің аға куратор-эдвайзері А.М.Әлімбай болды.