Тұрақты даму мақсаттарына қол жеткізудегі білімнің рөлі

2024 жылғы 28 қазанда әл-Фараби атындағы ҚазҰУ филология факультетінің шет тілдер кафедрасының аға оқытушылары Мулдағалиева А.А., Жиреншина К.А., Махметова Д.М., Оразбекова И.Г., Несіпбаева З.С., Луговская Е.И. Тұрақты даму мақсаты 4: «Сапалы білім» аясында «Білімнің тұрақты даму мақсаттарына қол жеткізудегі рөлі» тақырыбында Telegram арқылы онлайн іс-шара өткізді. Іс-шараға әл-Фараби атындағы ҚазҰУ-дың Химия және химиялық технология факультетінің және Жоғары экономика және бизнес мектебінің бірінші курс студенттері, сондай-ақ Оңтүстік Корея мен Түркиядағы ЖОО-ларда оқып жүрген қазақстандық студенттер қатысты. Спикерлер өз баяндамаларын ағылшын және неміс тілдерінде жасады.

Іс-шара барысында студенттер шетелдік ЖОО-ларда білім алу тәжірибелерімен бейне хабарламалар арқылы бөлісті. Жоғары экономика және бизнес мектебінің студенті Газиза Шералы IELTS халықаралық емтиханын тапсыру тәжірибесі туралы айтып, емтиханға дайындалу үшін пайдалы веб-ресурстармен бөлісті. Жоғары экономика және бизнес мектебінің студенті Жанасбаева Каракат Прагадағы оқу тәжірибесі туралы әңгімеледі. Химия және химиялық технология факультетінің студенті Мельскызы Азиза Оңтүстік Кореяның Пусан университетіндегі оқу бағдарламасы туралы баяндама дайындады.

Химия және химиялық технология факультетінің студенті Михаил Симоновтың неміс және ағылшын тілдерінде жасаған баяндамасын ерекше  атап өткен жөн. Бұл студентті аға оқытушы Жиреншина К.А. дайындады. Михаилдың баяндамасы ТДМ 4: «Сапалы білім» тақырыбына арналды. Ол өз сөзін ағылшын және неміс тілдерінде дайындап, ұсынды.Іс-шараны Химиялық инженерия мамандығы бойынша ағылшын бөлімінде оқитын Химия және химиялық технология факультетінің студенттері аяқтады. Өз сөздерінде олар сапалы білімнің елдің экономикалық және әлеуметтік дамуына қалай әсер ететінін айтты.

Іс-шара соңында қатысушылар Түркия мен Оңтүстік Кореядағы қазақстандық студенттердің шетелдік ЖОО-лардағы білім алу тәжірибелері туралы бейне хабарламаларды тамашалау мүмкіндігіне ие болды. Сондай-ақ, Химия және химиялық технология факультетінің бірінші курс студенттері университетті бітіргеннен кейін елімізде тұрақты даму мақсаттарын ілгерілетуге қандай үлес қоса алатындары туралы бейне хабарламалар дайындады.