Мектеп оқушыларын университеттің білім беру бағдарламаларымен және ғылыми орталықтарымен таныстыру

29 қазан 2024 жылы "Алматы     облысы    білім    басқармасының Балқаш  ауданы   бойынша  білім  бөлімі" мемлекеттік мекемесінің "Б.Бейсекбаев атындағы мектеп - гимназиясы мектепке дейінгі шағын орталығымен" МКМ-нің 11 – сынып оқушылары әл-Фараби атындағы ҚазҰУ, география және табиғатты пайдалану факультетіне факультеттің, университеттің білім беру бағдарламаларымен және ғылыми орталықтарымен таныстыру мақсатында келді.

Тұрақты даму бойынша ЮНЕСКО кафедрасының меңгерушісі Т. А. Базарбаева география және табиғатты пайдалану факультетінің тұрақты даму және табиғатты тиімді пайдалану зерттеу орталығымен кәсіби бағдар беру, таныстыру жұмыстарын жүргізді.

Оқушылар факультеттің зертханалары мен білім беру бағдарламаларына үлкен қызығушылық танытты. Кафедра докторанты Ошақбай Айту университет кітапханасына, «Керемет» студенттерге қызмет көрсету орталығына экскурсия өткізді, сонымен қатар оқушылар биологиялық мұражайға барды.