Суды үнемдеу – біздің ортақ міндетіміз!

25 қазан Республика күніне орай №6 жатақханада оқытушылар кезекшілік өткізді. 12:00-14:00 аралығында механика кафедрасы меңгерушісінің оқу-әдістемелік және тәрбие ісі жөніндегі орынбасары Исмаилова Әсел Жеңісбекқызы «Суды үнемдеу – біздің ортақ міндетіміз!» тақырыбында іс-шара өткізді.

Тұрақты даму – қазіргі заманның басты мәселелерінің бірі. БҰҰ-ның Тұрақты даму мақсаттары аясында экологиялық ресурстарды сақтау, оның ішінде суды үнемдеу, ерекше маңызға ие. Осы мақсатта жатақханада тұратын 1 курс студенттері үшін Тұрақты даму мақсаттарының 6-міндеті «Таза су және санитария» тақырыбы бойынша іс-шара ұйымдастырылды.

Іс-шараның негізгі мақсаты – студенттер арасында суды үнемдеу мәселесін насихаттау, экологиялық білім мен жауапкершілікті арттыру. Сонымен қатар, Қазақстандағы ауыз су мәселесіне назар аудару болды.

Іс-шара барысында студенттер ауыз су мәселесін және суды үнемдеу ережелерін талқылады, сондай-ақ тақырып аясында сурет салудан сайыс өткізілді. Сайыс барысында әр қатысушы өз идеясын сурет арқылы жеткізуге тырысты, нәтижесінде ең үздік жұмыстар анықталды. Үздік жұмыс ретінде «6В05402-Математика» білім беру бағдарламасының 1 курс студенті Бахадирова Диёраның салған суреті таңдалды.

Сонымен қатар, Қазақстандағы ауыз су мәселесі де талқыланды. Студенттер елдегі судың сапасы мен қолжетімділігі туралы пікір алмасты. Көптеген өңірлерде су тапшылығы байқалатыны, сондай-ақ судың ластануы мәселесі көтерілді. Бұл мәселелерді шешу үшін жастардың белсеңділігі мен атсалысуы екендігі атап өтілді.

Іс-шара нәтижесінде студенттер суды үнемдеу мен экологиялық жауапкершіліктің маңыздылығын терең түсінді. Ауыз су мәселесі мен суды үнемдеу ережелері бойынша пікір алмасу, жастардың экологиялық сана-сезімін арттыруға көмектесті. Студенттер өздерінің қоршаған ортаға жауапкершіліктерін сезініп, суды үнемдеу жөнінде белсенділік танытуға уәде берді.

Осылайша, өткізілен шара білім беру алаңы ғана емес, сонымен қатар жастардың экологиялық сана-сезімін арттыруға бағытталған маңызды шара болды. Суды үнемдеу – біздің ортақ міндетіміз!

Исмаилова Әсел Жеңісбекқызы,

механика кафедрасы меңгерушісінің оқу-әдістемелік және

тәрбие ісі  жөніндегі орынбасары