Оңалту-көру қабілеті бұзылған адамдардың заманауи ұтқырлығына апаратын жол

2024 жылғы 30 қазанда "Жылы ұя" оңалту орталығында  – көру қабілеті бұзылған адамдардың заманауи ұтқырлығына жол" семинары өтті. Оған Алматы қаласындағы мүмкіндігі шектеулі адамдармен жұмыс істейтін ҮЕҰ және білім беру мекемелерінің басшылары мен өкілдері шақырылды. 
Семинардың жүргізушісі - "Жылы ұя" орталығының оңалту маманы Иминова Мариям Рузахуновна қатысушыларды орталықтың жұмысымен жақын таныстырды. Сонымен қатар, видео арқылы кешенді оңалту курстарынан өткен адамдардың бейне пікірлері және олардың өмірі қалай жақсы жаққа өзгергені көрсетілді. Енді олар отбасы мен үйде ғана емес, қоғамда да өздерін сенімді сезінеді.
Спикерлер нашар көретіндермен өз жұмыстары туралы айтып, орталықтың мамандарына қаланың басқа ұйымдарымен бірлесіп атқарып жатқан орасан зор жұмыстары үшін алғыстарын білдірді.
Аль-Фараби атындағы ҚазҰУ-дың "Инклюзивті орта" ғылыми-практикалық орталығының өкілдері орталықтың ерекше білім беру қажеттіліктері бар студенттермен жұмыс істеудегі қызметімен таныстырып, мүгедектігі бар адамдарға арналған университеттегі оқу шарттары туралы сұрақтарға жауап берді.