Тұрақты даму аллеясында климаттың өзгеру мәселесі талқыланды

13.11.2024ж. кеден, қаржы және экологиялық құқық кафедрасының аға оқытушысы, PhD докторы Рашева Г.К. география және табиғатты пайдалану факультетінің «Кадастр және жерге орналастыру» мамандығының 3-курс студенттерімен Тұрақты даму мақсаттары Аллеясында іс-шара өткізді. 

Кездесу барысында климатты құқықтық қорғау саласындағы өзекті мәселерді талқылап, ТДМ-13 «Климаттың өзгеруімен және оның салдарымен күрес бойынша шұғыл шаралар қабылдау» тақырыбында сөз қозғады. 

Рашева Г.К. климаттың өзгеруімен күресуде заңнамалық негіздердің маңызды рөлі мен экологиялық құқықтың даму бағыттарына тоқталды. Атап айтқанда, халықаралық және ұлттық деңгейде климаттың өзгеруіне қатысты қабылданып жатқан құқықтық актілер, келісімдер мен саяси бастамалар жөнінде ақпарат берді.

Іс-шараның қорытындысында студенттерге климаттың өзгеруіне қарсы тұру үшін заңдық әрі экологиялық тұрғыдан білікті әрі кешенді тәсілдер қолданудың қажеттілігі жөнінде сөз болды. Сонымен қатар, болашақ мамандар ретінде өздерінің кәсіби қызметінде осы мәселелерге белсенді атсалысуға шақырылды.