ТДМ 8. Лайықты жұмыс және экономикалық өсу

2024 жылдың 18 қарашасында ҚазҰУ-де Huawei Competition 2024-2025 ұлттық байқауының екінші кезеңі өтті. Байқауға Қазақстанның әр түрлі жоғары оқу орындарынан 2000-нан астам студент қатысты. Студенттер өздерінің технологиялар саласындағы білімдерін, оның ішінде бұлтты есептеулер, жасанды интеллект және үлкен деректерді көрсетті.

Айрықша назар аударарлық жайт, ҚазҰУ-дың 4-курс студенті Күнтас Жансұлу еліміздің атынан Cloud Track бағыты бойынша халықаралық деңгейде таныстырылатын болып таңдалды. Бұл жетістік студенттердің заманауи технологиялар саласындағы жоғары деңгейдегі дайындықтарын айқындайды.

Huawei Competition қатысушыларға өз дағдыларын дамыту, халықаралық компанияларда тәжірибеден өту және сала мамандарымен байланыс орнату мүмкіндіктерін ұсынады.