МКМ кафедрасының студенттері куратор-эдвайзермен бірге Д. А. Қонаевтың музей-пәтеріне барды

2024 жылдың 30 қарашасында әл-Фараби атындағы Қазақ ұлттық университетінің «Қолданбалы математика» мамандығының 1 курс студенттері математикалық және компьютерлік пішіндеу кафедрасының аға оқытушысы Кулбай Мағира Назымхикматқызының жетекшілігімен Дінмұхамед Ахметұлы Қонаевтың музей-пәтері мен мемориалдық музей-апартаментіне барды. Музейлер Алматы қаласы, Төлебаев көшесінде орналасқан.

Іс-шара «Тұрақты даму мақсаттары» жобасы аясында «Сапалы білім — жарқын болашақ» бағыты бойынша ұйымдастырылып, студенттердің Д. А. Қонаевтың өмір жолы, үлесі және ғылыми қызметі туралы білімдерін кеңейтуге бағытталды. Дінмұхамед Ахметұлы Қонаев – үш мәрте Социалистік Еңбек Ері, Қазақ КСР Ғылым академиясының академигі, техника ғылымдарының докторы, Қазақстанның ғылымы мен өнеркәсібінің дамуына үлкен үлес қосқан тұлға.

Экскурсия барысында студенттер Д. А. Қонаевтың өмір тарихымен жақынырақ танысып, оның жеке және кәсіби жетістіктері туралы көбірек білді, сондай-ақ Қазақстанның дамуына қосқан рөлімен танысты. Музейде студенттер дәуірдің атмосферасын қалпына келтіруге және Д. А. Қонаевтың ел үшін жасаған еңбегінің маңыздылығын бағалауға көмектесетін бірегей экспонаттар, жеке заттар мен құжаттарды көрді.

Бұл іс-шара студенттердің Қазақстан тарихы мен мемлекеттің қалыптасуы мен дамуына зор үлес қосқан маңызды тұлғаларды тереңірек түсінуіне ықпал ете отырып, тәрбиелік және білім беру жұмысының маңызды бөлігі болды. Д. А. Қонаевтың музей-пәтеріне бару студенттерге елдің мәдени және тарихи мұрасын жақсырақ түсінуге жақсы мүмкіндік берді, бұл олардың жеке дамуы мен азаматтық ұстанымын қалыптастыру үшін өте маңызды.

МКМ кафедрасының куратор-эдвайзері

М.Н. Қулбай