Оқырмандар клубымен кездесу

19 қазанда Әл-Фараби атындағы ҚазҰУ-дың филология факультеті оқытушысы, тілтанушы Арғынбек Құнанбайұлы кітапсүйер студенттермен кездесу ұйымдастырды. Кездесу тіл мен танымның сабақтастығы, оқу мен жазудың миға әсері, стилистика, жазу әдебіне арналды.
Дәріске Абай танымы мен сөз өрнегіне, оқуға, мәтін жазуға ынта-ықыласы ауған жастар қатысты. Ойталқы кітап оқудың нейробиологиясына қатысты зерттеулермен толықты, кітап көп оқу мен көп кітап оқудың аражігі, оқудың адам эмпатиясы мен зейін-зердесіне ықпалы тұжырымды ізденістер негізінде баяндалды.