Сагитжанов Бирлік Майронович 2024 жылғы «Тәуелсіздік ұрпақтары» грант байқауының жеңімпазы атанды

Қазақ ұлттық университеті механика кафедрасының аға оқытушы-эдвайзері, механика-математика факультетінің оқытушысы Сагитжанов Бирлік Майронович 2024 жылғы «Тәуелсіздік ұрпақтары» грант байқауының жеңімпазы атанды. Грант байқауының қорытынды отырысы жақында өтті.

«Тәуелсіздік ұрпақтары» гранты жыл сайын Мемлекет басшысы Қасым-Жомарт Тоқаевтың тапсырмасымен талантты жастарды анықтап, қолдау көрсету мақсатында беріліп келеді.

2024 жылы комиссия 6 бағыт бойынша ең жоғары балл жинаған 30 жобаны таңдады. Сагитжанов Бирлік Майронович «Ғылым» бағыты бойынша жеңімпаз атанып, өзінің жобасымен жоғары бағаланды.

Грант тапсыру рәсімі Қазақстан Республикасының Тәуелсіздік күніне орай Астанада өтеді. Жеңімпаздар өз жобаларын жүзеге асыру үшін мемлекеттен 3 млн теңге көлемінде қаржылай қолдау алады.

Биыл байқауға 1284 өтінім түсіп, олардың 897-сі қабылданды. Олардың ішінде «Бизнес» бағыты бойынша 495 өтінім, «Ғылым» бойынша 62, «Мәдениет» бойынша 107, «Ақпараттық технологиялар» бойынша 94, «Медиа» бойынша 66, «Волонтерлік» бойынша 73 өтінім қабылданды.

Бұл жеңіс бірнеше маңызды Тұрақты даму мақсаттарымен (ТДМ) тікелей байланысты, атап айтқанда ТДМ 4: Сапалы білім, себебі грант ғылыми жобалар мен білім беру бастамаларын дамытуға ықпал етеді. Сонымен қатар, бұл ТДМ 9: Өнеркәсіп, инновациялар және инфрақұрылым мақсатын қолдайды, өйткені ғылыми зерттеулер мен инновацияларды қолдау елдің технологиялық базасын нығайтуға ықпал етеді. Ақырында, байқаудағы жеңіс ТДМ 10: Теңсіздікті азайту мақсатына сай келеді, себебі бұл грант талантты жастардың жобаларды жүзеге асыруға тең мүмкіндіктер алуы үшін беріліп отыр.

Бирлік Майроновичті осы жеңіспен құттықтап, оның ғылыми жобаларын жүзеге асыруда әрі қарай да жетістіктер тілейміз. Оның жобалары Қазақстанның ғылымы мен технологияларының дамуына зор үлес қосатынына сенімдіміз!