«Зейнолла Қабдоловтың «Жалын» романындағы кейіпкерлер психологиясы» атты халықаралық ғылыми семинар өтті

2024 жылғы 12 желтоқсанда 4-ТДМ «Сапалы білім беру» аясында қазақ әдебиеті және әдебиет теориясы кафедрасы «8D02304 – Әдебиеттану» мамандығының 1 курс докторанттары және филология ғылымдарының докторы, профессор Сәуле Ержанованың ұйымдастыруымен «Зейнолла Қабдоловтың «Жалын» романындағы кейіпкерлер психологиясы» атты халықаралық ғылыми семинар өткізді. Докторанттар «Жалын» романындағы басты кейіпкерлер психологиясын талдау арқылы «Психологиялық әдебиеттану» пәнінің қорытынды нәтижесі ретінде ғылыми жоба қорғады.

Ғылыми семинарға шетелдік және отандық ғалымдар мен оқытушылар, жазушылар және докторанттар қатысты. Гүлістан мемлекеттік университетінің орыс тілі және әдебиеті кафедрасы, қазақ филологиясы білім бағытының аға оқытушысы Оразов Бағдат Төлепбергенович, Әжінияз атындағы Нөкіс мемлекеттік педагогикалық институтының қазақ тілі және әдебиеті кафедрасынан PhD, доцент Торткулбаева Турсынай Абдигазиевна, Түркиядан (Мевлана), Фырат университетінің кафедра меңгерушісі, PhD, профессор Алкая Ержан секілді зерттеуші-ғалымдар мен оқытушы-профессорлар қатысты. Профессор Алкая Ержан қаламгер Зейнолла Қабдоловтың ұстаздық қызметі мен шығармашылық жолы туралы баяндама жасап, докторанттардың ғылыми жобасына сәттілік тіледі. Докторанттар «Жалын» шығармасының басты кейіпкерлерінің психологиясын талдап, өз интерпретацияларын ортаға салды, пікір алмасты.

 Тараз мемлекеттік университетінен педагогика ғылымдарының докторы, профессор Әбдіқадырова Тұрсынай, І. Жансүгіров атындағы Жетісу мемлекеттік университетінен филология ғылымдарының кандидаты, доцент Қожағұлов Сайлау, Астана қаласынан ақын, әдебиеттанушы, педагогика ғылымдарының магистрі, «Дарын» мемлекеттік жастар сыйлығының лауреаты Шеризат Арман, жазушы, «Дарын» мемлекеттік жастар сыйлығының лауреаты Жақсылық Алихан қатысып, ғылыми семинар тақырыбы аясында пікір бөлісіп, әдебиеттану саласындағы мұндай талдаулардың құндылығын атап өтті. Сондай-ақ қазақ әдебиеті және әдебиет теориясы кафедрасының оқытушы-профессорлары қатарынан ф.ғ.к. Жолдасбек Мәмбетов және ф.ғ.к. Ерхан Карбозов қатысты. Ф.ғ.к. Жолдасбек Мәмбетов ғылыми семинардың ұйымдастырушыларына алғысын білдіріп, докторанттардың психологиялық талдауларының ғылыми маңызын түсіндірді.

Халықаралық ғылыми семинар тақырыбы докторанттардың талдаулары барысында кеңінен ашылып, кейіпкерлер психологиясындағы маңызды мәселелер талқыланды. Семинар модераторы филология ғылымдарының докторы, профессор Сәуле Ержанова семинарға қатысушы қонақтар мен оқытушыларға, докторанттарға алғыс білдірді.