Қытайтану кафедрасының профессоры «Фараби» алтын медальімен марапатталды

2024 жылдың 26 желтоқсан күні Әл-Фараби атындағы ҚазҰУ-дың 90 жылдық мерейтойы аясында ҚР Ғылым және жоғары білім министрі Саясат Нұрбек білім ордасының оқытушы-профессорлар құрамын арнайы наградалармен марапаттады. Осы жиында Қытайтану кафедрасының профессоры, «Қазіргі заманғы Қытайды зерттеу» орталығының директоры Нәбижан Мұқаметханұлы «FARABI» алтын медалімен мараппаталды. Бұл ғалымның тәуелсіз Қазақстанның тарих ғылымын қалыптастырудағы жауапкершілігі мен жанкешті еңбекқорлығының еленгені деп білеміз. Профессор Мұқаметханұлының  халқына беретіні әлі көп, оның ең құнды зерттеу еңбектері  енді дүниеге келеді деп сенеміз. Кафедраның ақсақалы, профессор ағамызға сарқылмас қуат, ұзақ ғұмыр тілейміз!