Математика кафедрасының ұстаздары медальдармен марапатталды
«Ұстазды ата-анаңдай сыйла» деген халық даналығында. Ұстаз қай заманда да ғылымның, жалпы өмірдің бейтаныс өлкесінде бағыт-бағдар беретін жарық шамшырақтай болды. Адамдар ұстаздарын адамзатқа сіңірген еңбегі үшін де құрмет тұтқан. Ұстаздар – оқушыларға білім беретін маман ғана емес, сонымен бірге ғылымның дамуына, ұрпақ тәрбиесіне белсенді үлес қосып жүрген оқу-тәрбие үрдісінің көшбасшылары. Олардың еңбектері мен білім беруге қосқан үлесі көбінесе олардың жоғары кәсіби деңгейі мен жұмысына берілгендігін көрсететін түрлі марапаттармен марапатталады.
Осы орайда келесі ұстаздарымызды ерекше атап өткім келеді:
- Төлегенова Мақпал Бақытқызы - Ғылым мен жоғары білімді дамытуға қосқан үлесі және әл-Фараби атындағы ҚазҰУ-дың дамуына ерекше үлес қосқаны үшін Фараби атындағы алтын медальмен марапатталды.
- Махмеджанов Набибулла университетіміздің дамуына қосқан ерекше үлесі үшін «Әл-Фараби атындағы ҚазҰУ» Бас Алтын медалімен марапатталды.
- Блиев Назарбай Қадірұлы - Ғылым мен жоғары білімнің дамуына қосқан үлесі және университетіміздің дамуына қосқан ерекше үлесі үшін Фараби атындағы алтын медальмен марапатталды.
- Досанбай Пернебек Төлепбергенұлы әл-Фараби атындағы Қазақ ұлттық университетінің дамуына қосқан үлесі үшін «ЕРЕН ЕҢБЕГІ ҮШІН» медалімен марапатталды.
Математика кафедрасы оқытушыларының марапаттары олардың жоғары кәсібилігінің, дарындылығының және еңбекқорлығының көрінісі. Олар заманауи қоғамдағы сапалы білім мен ғылымның маңыздылығын айта отырып, әріптестерін ғана емес, студенттерді де шабыттандырады. Олардың сіңірген еңбегін мойындау – жаңа жетістіктерге ынталандыру және болашақ ұрпақтың дамуына үлес қосу.
Ұстаздарымызға табыс пен еңбегінің жемісті болуын тілейміз!
Иманбердиев Канжарбек,
Математика кафедрасының меңгерушісі
Басқа жаңалықтар
