Профессор В.В. Кугунуровтың (Ресей, СВФУ) филология факультетінің студенттерімен кездесуі

2025 жылғы 13 ақпанда филология факультетінің шетел филологиясы және аударма ісі кафедрасының студенттері Михаил К. Амосов атындағы Солтүстік-Шығыс федералды университетінің профессоры, Шетел филологиясы және өңіртану институтының директоры, герман тілдері (неміс тілі) саласының жетекші маманы Владлен Васильевич Кугунуровпен кездесті. Кездесу офлайн форматта неміс тілінде өтті және филология факультетінің студенттерін жинады.

        Іс-шара барысында профессор Кугунуров В.В. өз білімдерімен бөлісіп, институтының және университетінің жұмыс тәжірибесі, біздің жоғары оқу орындарымен академиялық ұтқырлықтың даму перспективалары, мәдениеттеріміздің ұқсастығы, сондай-ақ Якутия климатының ерекшеліктері туралы айтып берді. Әсіресе, оқу үдерісі мен академиялық ұтқырлық мәселелеріне ерекше көңіл бөлініп, бұл тақырып студенттердің белсенді қатысуы мен қызу пікірталас туғызды.
       Студенттер өздерін қызықтырған сұрақтарын қойып, өзекті мәселелерді талқылауға және құнды ұсыныстар алуға бірегей мүмкіндік алды. Кездесу студенттердің академиялық көзқарасын кеңейтуге және университеттеріміз арасындағы ғылыми байланысты нығайтуға маңызды қадам болды.
       Кафедра профессор Кугунуров В.В.-ға мазмұнды және қызықты дәрісі үшін, сондай-ақ студенттерге белсенді қатысқандары үшін алғыс білдірді.