ТДМ-4: Кітапханашылар күні атап өтілді
24 қазан күні «Сұңқар» студенттер мен магистранттар кәсіподағы жанынан құрылған «Шабыт» шығармашыл жастар клубы және «Фараб» оқырмандар клубының ұйымдастыруымен Кітапханашылар күніне арналған мерекелік іс-шара өтті.
Рухани мәдениеттің алтын қазынасы саналатын кітапхана – білім мен өркениеттің қайнар көзі. Ал сол құндылықты оқырманға жеткізіп, насихаттап, кітап пен оқырман арасында алтын көпір орнатушы – кітапханашылар. Бұл шараның басты мақсаты – кітапханашылардың қоғамдағы рөлін айшықтау, олардың еңбегіне құрмет көрсету және кітапхана ісін дамытуға үлес қосу.
Іс-шараға кітапхана қызметкерлері, оқырмандар, мәдениет және білім саласының өкілдері қатысты. Жиын барысында кітапханашылардың қоғамдағы маңызы, олардың білім мен мәдениетті дамытудағы үлесі ерекше атап өтілді. Қатысушылар кітапханашылардың жанқиярлық еңбегін жоғары бағалап, олардың рухани ағартушылық миссиясына тоқталды.
Кеш барысында қатысушылар шығармашылық қойылымдар тамашалап, кітапханашыларға арналып жылы лебіздер мен алғыс сөздер айтылды. Сонымен қатар, кітапхана ісінің маңыздылығы мен оқырман мәдениетін қалыптастырудағы рөлі жайлы пікір алмасу ұйымдастырылды.
Кітапханашылар күні – тек кітапханашылардың ғана емес, барша кітап сүйер қауымның ортақ мерекесі. Осындай іс-шаралар арқылы кітапхананың қоғамдағы маңызы артып, оқырман мен кітап арасындағы байланыс нығая түсетіні сөзсіз.
