Әл-Фараби атындағы ҚазҰУ-дың журналистика факультетінің ЮНЕСКО-ның журналистика және коммуникация кафедрасы Пенсильвания университетінің (АҚШ) Donald P. Bellisario атындағы Коммуникация факультетімен студенттік халықаралық жобаны қолға алған еді

Пенсильвания университетінің профессоры Kathleen O'Toole «Халықаралық репортаж» курсы аясында журналистика факультетінің ағылшын тобы студенттерімен Гендерлік теңдік, Көшпенділердің киім дизайны, Білім беру жүйесі, Геосаясат және т.б. тақырыптарда бейнесюжеттер түсіру мақсатында келген.

Америкалық студенттер осы жоба аясында университет қалашығымен, студенттердің тыныс-тіршілімен, ұлтымыздың мәдениеті, тарихы мен салт-дәстүрімен танысты.

ҚазҰУ музейін тамашалап, терең тарихты оқу ордасының белестері мен болашақ жоспарларына арналған экскурсияға қатысты.

Наурыз мерекесіне арналған апталықтың «Көрісу -амал мерекесі» күніне сай келген бұл экскурсия соңында АРТ-орталықтың бір топ керемет ұлттық нақышта киінген студенттері өз өнерлерін көрсетіп, фотосессия жасалды.

Халқымыздың салт-дәстүрі, киім үлгісі мен қонақжайлылығына тәнті болған қонақтар зор ризашылықтарын білдірді.