ТДМ-4: Университетімізде ұлттық дәстүріміз дәріптелді

Әл-Фараби атындағы Қазақ ұлттық университеті «Сұңқар» студенттер мен магистранттар кәсіподағындағы Әл-Фараби кітапханасының «Фараб» оқырмандар клубы мен кітапхана ұжымы бірлесе отырып  17 наурыз күні «Мәдениет және ұлттық салт-дәстүр күніне» орай іс-шара ұйымдастырды. Шара барысында қазақ халқының бай мәдениеті мен ұлттық құндылықтарын еске түсіретін, ұрпақтан-ұрпаққа жетіп келе жатқан асыл мұрамызды дәріптеу мақсаты іске асырылды.  Осы орайда, халқымыздың ең қастерлі дәстүрлерінің бірі – беташар рәсіміне ерекше тоқталып өтті.

Беташар – қазақ халқының маңызды салттарының бірі. Ол келіннің жаңа өмірге қадам басқанын, екі отбасының бірігуін білдіреді. Келіннің беті ашылып, орамалы салынған сәтте оның өміріндегі жаңа кезең басталады. Бұл дәстүр арқылы қазақ халқы өздерінің моральдық және рухани құндылықтарын көрсетіп, ұлттың тарихы мен әдет-ғұрпын сақтайды.

Бұл шара студенттердің басын қосып, оларды бірлікке шақырып, ұйымшылдықты арттыруға өз септігін тигізді.

Ұлттық салт-дәстүрлерімізді ұмытпай, оларды келер ұрпаққа жеткізу – біздің басты парызымыз!