ТДМ-4 «Командалық жұмыс және студенттің кәсіби мотивациясы» атты семинар-тренинг

Әл-Фараби атындағы ҚазҰУ-дың психологиялық қолдау қызметі мен «Инклюзивті орта» ғылыми-тәжірибелік орталығы ТДМ-4: «Сапалы білім беру» аясында 2 сәуір күні № 1-шы жатақханада тұратын студенттерге  арналған «Командық жұмыс және кәсіби мотивация» атты  семинар-тренинг өткізді.

Командалық жұмыс — бұл жалпы мақсаттарға жетуге және тапсырмаларды сәтті орындауға көмектесетін маңызды аспект. Осы тренингте студенттер топта жұмыс істей білуді, міндеттерді тиімді бөлу, басқалардың пікірін құрметтеу және өзара әрекеттесу мен бірлескен күш-жігер арқылы жақсы нәтижелерге қол жеткізуді үйренді. Негізгі аспектілерге тыңдай білу, тапсырмаларды делегировать ету, командаға қолдау көрсету және ынталандыру кіреді.

Тренингтің міндеттері:

1. Командалық жұмыс дағдыларын дамыту – студенттерге тиімді ынтымақтастықтың маңыздылығын түсінуге көмектесу және топта жұмыс істеуді үйрету.

2. Коммуникациялық дағдыларды нығайту – басқалардың пікірлері мен ұсыныстарына түсіністікпен қарап, дұрыс әрекет ету қабілетін жақсарту.

3. Тапсырмаларды делегировать ету және бөлу дағдыларын дамыту – студенттерге міндеттерді тиімді түрде бөлу және топтағы әрекеттерді үйлестіруді үйрету.

4. Ұжымда жұмыс істеу кезінде сенімділікті арттыру – студенттерге өздерінің командалық жұмыстағы үлестеріне сенімді болуға көмектесу және басқа мүшелерге қолдау көрсету.

5. Командалық жауапкершілікті қалыптастыру – топтың табысы әрбір мүшенің үлесіне байланысты екенін және өз міндеттемелеріне жауапкершілікпен қараудың маңыздылығын түсіндіру.

Тренинг әдістері:

1. Топтық талқылаулар мен мидың дауылдары – пікір алмасуға, тапсырмаларды шешудің түрлі жолдарын талқылауға және бірлескен шешімдер қабылдауға жағдай жасау.

2. Рөлдік ойындар – студенттерге топтағы түрлі рөлдерді орындауға мүмкіндік беру, командалық жұмыстың динамикасын түсіну, көшбасшылық қасиеттерді анықтау және өзара әрекеттесу әдістерін үйрену.

3. Топтық жаттығулар – бірлескен күш-жігер арқылы мақсатқа жетуді талап ететін жаттығуларды өткізу.

4. Командалық жұмыстың табысты мысалдарын талдау – табысты командалардың нақты мысалдарын зерттеу және топта жұмыс істегенде жасалған қателіктерді талдау.

5. Кері байланыс және өзін-өзі бағалау – қатысушыларға өз рөлдерін бағалап, командалық жұмысты қалай жақсартуға болатындығы туралы кері байланыс алу мүмкіндігін беру.

6. Қақтығысты жағдайларды қарастыру – студенттерге командалық жұмыста туындаған қақтығыстарды шешу және келіспеушіліктерді конструктивті түрде шешуді үйрету.

Бұл тренинг студенттердің әлеуметтік және кәсіби дағдыларын жетілдіруге көмектесіп, олардың өз-өздерін жетілдіруге деген мотивациясын арттырды. Семинарды аяқтаған соң барлық қатысушылар алған білімдерін өмірде қолдануға дайын екендіктерін білдіріп, кездесудің әсерлі әрі пайдалы болғанын атап өтті.