«ГАЖ технологияларын пайдалана отырып, Алматы қаласы топырақ жамылғысының техногендік ластануын экологиялық бағалау» ғылыми жобасы аясында зерттеу жұмыстары басталды

Әль-Фараби атындағы Қазақ ұлттық университетінің Тұрақты даму жөніндегі ЮНЕСКО кафедрасының профессорлық-оқытушылар құрамы, топырақ экологиясы зертханасы мен қоршаған орта мониторингі және тұрақты даму зертханасының қызметкерлері АР26199673 «ГИС-технологияларды қолдана отырып, Алматы қаласының топырақ жамылғысының техногендік ластануын экологиялық бағалау» атты ғылыми жобасы аясында зерттеу жұмыстарын бастады.

Жобаның ғылыми қызметкерлері: Базарбаева Т.А., Мұқанова Г.А., Шимшиков Б.Е., Тукенова З.А., Тусупова Б.Х., Кыргызбай К.Т. және Ошакбай А.А.

Зерттеу жұмыстары Алматы қаласы аумағындағы антропогендік әсерге ұшыраған топырақ жағдайын кешенді зерделеуге бағытталған. Жобаның мақсаты – мегаполистің қоршаған ортасын қорғау және табиғатты ұтымды пайдалану бойынша ғылыми негізделген ұсыныстар әзірлеу.