ТДМ-4 «Жоғары оқу орнына студенттердің бейімделуі» атты семинар-тренинг

Университетке қабылдану кезеңі – әрбір жас үшін өміріндегі маңызды әрі жауапты сәттердің бірі. Бұл тек жаңа білімді меңгерумен ғана емес, сонымен бірге жаңа ортаға үйренумен, яғни оқу, әлеуметтік және тұрмыстық жағдайларға бейімделумен тығыз байланысты.

Студенттердің студенттік өмірге бейімделуі бірнеше негізгі бағыттардан тұрады:

• Оқуға бейімделу – жаңа оқу форматына, өздігінен білім алуға, бағалау жүйесіне және оқытушылардың талаптарына үйрену.

• Әлеуметтік бейімделу – жаңа достар табу, қарым-қатынас дағдыларын жетілдіру, курстастармен, оқытушылармен және университет ұжымымен дұрыс байланыс орнату.

• Психологиялық бейімделу – стресс пен жоғары жүктемені еңсеру, жауапкершілікке үйрену, ішкі тепе-теңдікті сақтау.

• Тұрмыстық бейімделу – жатақханада немесе жеке тұру жағдайына бейімделу, тұрмысты ұйымдастыру, уақытты дұрыс басқару.

Университет тарапынан көрсетілетін қолдау, оқытушылардың қамқорлығы және психологиялық қызметтің көмегі студенттердің жаңа ортаға тез үйренісуіне ықпал етеді. Арнайы тренингтер, кеңес беру, студенттік клубтар мен түрлі мәдени-танымдық шаралар бейімделу процесін жеңілдетеді.

Тренинг барысында командалық жұмысты дамытуға, өзін дұрыс таныстыра білуге және тиімді қарым-қатынас орнатуға бағытталған интерактивті жаттығулар өткізілді. Қатысушылар белсенділік танытып, өз ойларымен және тәжірибелерімен бөлісті. Бұл достық ахуал мен өзара қолдау атмосферасын қалыптастырды.

Нәтижесінде студенттер жоғары оқу орнындағы оқу мен өмірге бейімделу жолында пайдалы кеңестер мен қажетті дағдыларға ие болды.

Осылайша, бейімделу үдерісін дұрыс ұйымдастыру студенттердің университетке тез сіңісіп кетуіне, оқу мотивациясын арттыруына және болашақ кәсіби әрі тұлғалық дамуына берік негіз қалады.