ҚазҰУ-да ҚК ӘҚ метеоқызметі мамандарына арналған біліктілікті арттыру курстары өтті

2025 жылғы 15–29 қыркүйек аралығында әл-Фараби атындағы Қазақ ұлттық университетінің метеорология және гидрология кафедрасында Қазақстан Республикасының Қарулы күштері Әуе қорғанысы күштерінің метеорологиялық қызметінің кіші мамандарына арналған біліктілікті арттыру (қайта даярлау) курстары ұйымдастырылды. Курстар Қазақстан-Қытай зертханасының базасында өтті, онда тыңдаушыларға осы зертхананың мақсаттары мен міндеттері туралы таныстырмалық дәріс оқылды.

Әуе қорғанысы күштерін метеорологиялық қамтамасыз ету ұшу қауіпсіздігін, тұрақтылығын және тиімділігін арттыруда маңызды рөл атқарады. Дәл және уақтылы берілген метеорологиялық ақпарат авиациялық міндеттердің қауіпсіз орындалуының кепілі болып табылады. Осы мақсатта метеоқызмет мамандары өз білімдері мен дағдыларын үздіксіз жетілдіріп отыруы қажет.

Ұйымдастырылған курстар заманауи метеорологиялық болжау әдістерін меңгеруге, кәсіби құзыреттерді жаңартуға және тәжірибе алмасуға мүмкіндік берді. Мұндай дайындық мамандарға саланың соңғы өзгерістері мен үрдістерінен хабардар болып, жаңа тәсілдерді тәжірибеде тиімді қолдануға жол ашады. Бұл білім беру бастамалары Тұрақты даму мақсаттарына (ТДМ 4 — сапалы білім, ТДМ 8 — лайықты еңбек және экономикалық өсу, ТДМ 17 — тұрақты даму мүддесіндегі серіктестік) қолдау көрсетіп, елдің кадрлық әлеуетін нығайтуға және ұшулардың метеорологиялық сүйемелдеуінің сенімділігін қамтамасыз етуге ықпал етеді.

\